Эндсэн эх, хүүхдийн шинжилгээний хариу гарлаа

2016-01-06 13:12:14

 

 

Нийслэлийн “Өргөө” амаржих газарт амаржихаар очсон эх хүүхдийнхээ хамт эндсэн харамсалтай хэрэг өнгөрсөн оны арванхоёрдугаар сарын 21-ний өдөр гарсан.

 

Эл хэрэг гарсны дараа НЭМГ-аас  талийгаачийн задлан шинжилгээний хариу 10 хоногийн дараа гарна гэж  мэдэгдсэн. Харин Шүүхийн шинжилгээний Үндэсний Хүрээлэнгээс хуулийнхаа хүрээнд 21 хоногийн дотор гарна гэж мэдээлж байсан юм.

 

Тэгвэл удаан хүлээлгэсэн талийгаачийн шинжилгээний хариу өнөөдөр гарсан байна. Энэ талаар Шүүх эмнэлэгийн дарга Х.Батбаяр "Одоогоор шинжилгээний хариуг үзүүлэх боломжгүй. Гурван шинжээч, эмчийн бүрэлдэхүүнтэй баг ажиллаж, оны өмнө эх, нярай тус бүр дээр өөр өөр дүгнэлт гаргасан. Шинжилгээний хариу удсан нь эмч нарын буруутай үйлдлээс шалтгаалсан учир сайтар нягтлах хэрэг гарсан" гэхээс өөр мэдээлэл өгсөнгүй.

 

Харин талийгаачийн ар гэрийнхний зүгээс эмч нарын 100 хувь буруутай үйлдэлтэй холбоотой учраас Шүүх эмнэлгийн дүгнэлтийг нарийн танилцуулахгүй, нууцлаад байна гэдгийг хэлж байна.

 

Дэлгэрэнгүйг тун удахгүй мэдээлнэ. 

 

Мөн мэдээллийн дэлгэрэнгүйг "Eagle news" телевизийн 19.00 цагийн мэдээгээр хүлээн авч үзээрэй. 

 

О.Оюунцэцэг


Нүүр хуудас